الخميس , 15 نوفمبر 2018

الرئيسية » مطبخ فتكات » أطباق رئيسية » بالصور طريقة عمل الفراخ المشوية علي الفحم

بالصور طريقة عمل الفراخ المشوية علي الفحم


افضل شىء للفراخ المشويه خصوصا على الفحم انها تكون صغيره عشان تستوى بسرعه والحراره تصل للعمق بسهوله وتستوى كويس

انا ليه طرقتين فى تتبيله الفراخ المشويه على الفحم وكل طريقه ليها طعم مختلف تماما عن الاخرى
الطريقه الاولى مبسطه جدا هى انك تتبلى الفراخ بثوم مفروم وخل العنب وأورجانو وملح وفلفل وعصير ليمون وتنقع الفراخ قبلها بليله وتشوى ثانى يوم ودى طريقه بسيطه جدا وطعم الفراخ مزز فيها

اما طريقه الاخرى هى موضعنا لليوم

اول شى هو ده حجم الفراخ اللى بستعمله للشوى خصوصا على الفحم

طريقة عمل الفراخ

حجم كل فرخه 500 جرام او 600 مش اكتر من كده

اول خطوه بفتح الفراخ من الظهر وبالشاكوش اضرب بخفه على الصدر عشان يتبطط وبخفه عشان لحم الصدر ما يتفتت وكمان نضرب عضم الجناحات ليتكسر ويقل ارتفاعه

وارش ملح ولمون واتركهم نص ساعه

طريقة عمل الفراخ

كده الفرخه مفتوحه من الظهر زى الكتاب ممكن تتشوى بالشكل ده لكن انا على اخر لحظه قطعتها من النصف لتصبح نصف فرخه بتكون اسهل فى الشوى فى تحركها

بعد النص ساعه طبعا بغسلها كويس جدا جدا عده مرات وده شكلها جاهز تستقبل التتبيله

طريقة عمل الفراخ

التتبيله بقى

زى ماهو موضح فى الصوره

تتبيلة الفراخ

والكميه دى لعدد 6 فرخات ماشاء الله وعادتا لكل فرخه صغيره بالحجم ده معلقه صغيره ممسوحه ملح

لون الزعفران هو مجرد لتلوين الفراخ انا بحبها متلونه باللون ده

خلطت كل البهارات مع بعضها وضفت نص كوب كاتشب

البهارات

بعدها فرمت عدد 3 بصلات وراس ثوم كامله وضفت عليهم ربع كوب خل وعصر لمونه فى الكبه وفرمتهم فرم ناعم جدا جدا وضفتهم على البهارات

وده شكل التتبيله بعد ماجهزت

شكل التتبيله بعد ماجهزت

والفراخ من الداخل بسكينه صغيره عملت فيها فتحات بس بدون مايوصل للجلد عشان احتفظ بالجلد سليم

طريقة عمل الفراخ

وبعدها تبلت الفراخ كويس فى التتبيله وغمرتها بيها وفى ثنايا الجدل واللحم والفتحات اللى عملتها

طريقة عمل الفراخ

وتركتها فى التلاجه قبلها بليله

ووقت الشوى نزيل عنها التتبيله قبل وضعها على الشوايه

طريقة عمل الفراخ المشوية

كلمات البحث :

  • تتبيلة الفراخ المشوية
  • طريقة تتبيل الفراخ المشوية
  • تتبيله الفراخ المشويه على الفحم
  • طريقة عمل الفراخ المشوية على الفحم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload the CAPTCHA.

Follow @FatakatGate